Sjálfboðaliðavelta Sörla

Fyrir alla sjálfboðaliða 

Ákveðið hefur verið að hafa sjálfboðaliðaveltu fyrir alla sjálfboðaliða Hestamannafélagsins Sörla.

Veglegir vinningar í boði:

  • Vinningur frá Hestefli. Vika fyrir einn hest í vatnsbretta og styrktarþjálfun. Frábær viðbót við reglubundna þjálfun reiðhesta, keppnis- og kynbótahrossa.

  • Vinningur frá Hótel Laka, gisting fyrir tvo í eina nótt með morgunmat.

  • Vinningur frá Ragnheiðarstaðabúinu, folatollur undir Hákon frá Ragnheiðarstöðum

  • Vinningur frá Fóðurblöndunni, eitt bretti af spónaböllum.

Við viljum hvetja alla félagsmenn til að taka þátt í okkar frábæra starfi með því að aðstoða nefndirnar okkar þegar þær kalla eftir aðstoð. Nú er allt á fullu í undirbúningi fyrir skírdag, mótin sem eru framundan, sumarbeit í Krýsuvík, viðrunarhólf, kynbótasýningar og margt fleira.

Nöfn allra sjálfboðaliða, sem hafa aðstoðað í vetur og eiga eftir að aðstoða fram á sumar, fara í pott og dregið verður út í byrjun sumars.

Við viljum þakka þeim sem gáfu vinningana sérstaklega vel fyrir.

Höldum starfinu gangandi því að öll hjálp, lítil sem mikil, aðstoðar okkur við að framkvæma alla þessa skemmtilegu viðburði sem við höfum svo gaman af. Án sjálfboðaliða er ekkert starf. 

Áfram Sörli!