Fullt nafn: Stella Björg Kristinsdóttir
Gælunafn: Stella
Aldur: má spyrja svona ? en ok – 54 ára
Búseta: Lindahverfi í Kópavogi
Fjölskylduhagir: Ég á frekar trylltan hund, 3 stálpaða unga sem halda mér á tánum og alveg nýbakaðan kærasta sem þolir hestalykt
Starf: Vinn hjá Kaupfélagi Skagfirðinga sem forstöðumaður sölu og markaðsmála
Stjörnumerki: ekta Sporðdreki
Fyndnasti Sörlafélaginn: Magnús Magnússon (Maggi diskó) lumar yfirleitt á gullmolum sem létta lund
Fallegasti Sörlafélaginn: Jói frændi minn (Jói lögga) er svo rosalega vel ættaður að hann hlýtur að fá þennan titil
Hnakkur: er afskaplega sátt með gamla Top Reiter JR hnakkinn minn
Besti matur: Elska allan góðan mat og get engan veginn gert upp á milli rétta. Síðasta matar orgían mín var hreindýra carpaccio með andalifur – segi ekki meira
Besti drykkur: Er forfallinn bjóraðdáandi, en einn góður Espresso Martini reddar líka yfirleitt málunum
Hvernig er kósýkvöld hjá þér? Kúra undir sæng með skál af poppi yfir góðri spennumynd
Hvað er það fyrsta sem þú gerir þegar þú vaknar? Opna augun
Besta hross sem þú hefur farið á: þau eru nú nokkur, en þar sem ég er afskaplega ánægð með mín eigin þá ætla ég að veita gamla grána mínum þennan titil, Drymbill f Brautarholti
Bestu kaupin? Nýja hesthúsið í Sörlaskeiði
Vandræðalegasta augnablikið: ekkert eitt stendur uppúr – það er af nógu að taka
Hélstu undir stóðhest í sumar, hver varð fyrir valinu? Nei
Ef þú fengir að velja þèr lag þegar þú ert í keppnisbrautinni, hvaða lag yrði fyrir valinu? Ég myndi biðja Magga Diskó að mixa fyrir mig The Bongo Song með Safri Duo
Hestur sem þú hefur ekki prófað en værir til í að fara á? Vákur frá Vatnsenda
Hvað er það besta við Sörla? Félagarnir og náttúran
Finnst þér formaðurinn of gráhærður eða passlega gráhærður? Skiptir ekki máli á meðan hann er með hár yfir höfuð
Ég skora á Magga diskó að segja okkur frá betri hliðinni sinni