Hestamannafélagið Sörli stendur fyrir gríðarlega miklu starfi og þjónustu við félagsmenn sína.
Félagsaðild veitir þér aðgang að öflugu félagsstarfi fyrir hestamenn á öllum aldri. Námskeið, ferðir, skemmtanir, keppnir, aðgangur að Worldfeng ofl. auk allri aðstöðu sem er á svæðinu og er ætluð félagsmönnum. Einnig viðhald á reiðvegunum okkar, lýsingu og snjómokstur á þeim.
Okkur langar því að benda öllum, sem ekki eru skráðir í félagið en nýta félagsvæðið okkar á einhvern hátt, að gerast félagsmenn, taka þátt í viðburðum og gerast sjálfboðaliðar.
Það er auðvelt að skrá sig í félagið en það gerir þú með því að senda tölvupóst með nafni, kennitölu og gsm númeri á sorli@sorli.is. Viljum við einnig benda félagsmönnum að skrá börnin sín því félagsaðild fyrir 18 ára og yngri kostar ekkert.
Félagsgjöldin eru félaginu mjög mikilvæg til allrar uppbyggingar og skemmtilegra viðburða.
Mikil virkni hefur verið í félaginu undanfarin ár og spennandi tímar eru framundan með nýrri reiðhöll og félagsaðstöðu.
Félagsmenn, endilega hvetjið vini og nýliða sem ekki eru félagsmenn til að ská sig í félagið.
Áfram Sörli