Folaldasýning Sörla verður haldin á laugardaginn, 18. mars, og hefst kl 13:00.
Við höfum fengið frábæra folatolla á uppboðið okkar og þökkum við stóðhestaeigendum kærlega fyrir.
Fyrstu tveir tollarnir sem við kynnum eru:
*Húni frá Ragnheiðarstöðum - glæsilegur klárhestur sem fór í mjög góðan dóm 4 vetra og tryggði sér miða á Landsmót 2022, sýndur af Helgu Unu Björnsdóttur. Kynbótamat 130 stig. Húni er undan gæðingamóðurinni Hendingu frá Úlfsstöðum og glæsihestinum Álfakletti frá Syðri-Gegnishólum. Húni hefur hlotið fyrir sköpulag 8,36, þar af 9 fyrir háls/herða/bóga og samræmi. Fyrir hæfileika hlaut hann 8,08, þar af 9 fyrir tölt, samstarfsvilja og fegurð í reið, aðaleinkunn 8,18, aðaleinkunn án skeiðs 8,54.
Ræktandi og eigandi Húna er Helgi Jón Harðarson.
*Steinn frá Stíghúsi - glæsihestur undan Álöfu frá Ketilsstöðum sem hefur hlotið heiðursverðlaun fyrir afkvæmi og gæðingnum Vökli frá Efri-Brú. Steinn var sýndur 4 vetra gamall í góðan dóm og tryggði sér miða á Landsmót 2022. Hann var sýndur af Þorgeiri Ólafssyni. Kynbótamat 122 stig. Fyrir sköpulag hefur hann hlotið 8,31, þar af 9 fyrir samræmi. Fyrir hæfileika hefur hann hlotið 8,04, þar af 9 fyrir brokk og samstarfsvilja. Aðaleinkunn 8,14, aðaleinkunn án skeiðs 8,49. Steinn er 153cm á herðakamb.
Eigandi og ræktandi Steins er Guðbrandur Stígur Ágústsson.
Síðasti skráningardagur er fimmtudagurinn 16. mars.
Skráning: á netfangið topphross@gmail.com
*Nafn folalds, nafn móður og föður, litur, eigandi og ræktandi folalds.
Skráningargjald er 2500 krónur, leggja inn á reikning 0545-26-3615, kt:640269-6509 og senda kvittun á topphross@gmail.com með nafn folalds sem skýringu.
Dómarar: Gísli Guðjónsson og Jón Vilmundarson
Folald sýningarinnar fær Þjórsárbakkabikarinn glæsilega.
Stebba verður á sínum stað með veitingasöluna.
Kv. Kynbótanefndin
