Sörli er eitt af stærstu hestamannafélögum landsins en í því tæplega 900 félagsmenn. Sörli hefur á s.l. árum sótt verulega á enda um að ræða einstaklega virka og góða félagsmenn sem eru sammála um að gera félagið skemmtilegt og áhugavert þar sem að bæði hinn almenni reiðmaður getur notið sín í frítíma sínum og atvinnumenn geta stundað sitt fag.
Hjá Sörla starfar einn fastur starfsmaður sem hefur hlutverk framkvæmdastjóra. Síðast liðið ár hefur að auki starfað formlega yfirþjálfari á vegum Sörla en verkefnið var tilraunaverkefni sem hófst á árinu 2019.
Sörli hefur yfir að ráða lítilli reiðhöll, reiðgerðum, reiðvöllum og afar fallegu svæði til útreiða. Á næstu misserum verður byggð stærri reiðhöll sem er til þess fallin að á félagssvæði Sörla verði íþróttin miklu markvissari hvað varðar kennslu, þjálfun og fjölbreytileika.
Nánari upplýsingar um Hestamannafélagið Sörla má finna á: www.sorli.is
Helstu verkefni og ábyrgð:
Verkefnastjórnun, skipulagning námskeiða og æfinga barna og fullorðinna í samráði við framkvæmdastjóra
Gerð námsskrár og annara gagna sem er skila þarf til opinberra aðila vegna íþróttastarfssins
Skipulag og utanumhald með reiðtímum og reiðkennurum
Skipulag námskeiða í samvinnu við Fræðslunefnd og Æskulýðsnefnd
Skipulag auglýsinga og skráninga í samvinnu við framkvæmdastjóra
Ábyrgð á að námskeið og æfingar standi undir sér fjárhagslega
Umsjón og þjálfun keppnisbarna og unglinga fyrir vormót félagsins, Íslandsmót og Landsmót og eftirfylgni með þeim á stærri mótum.
Samskipti við foreldra og umráðamenn barna
Menntunar og hæfniskröfur:
Háskólamenntun á sviði hestamennsku auk reiðkennararéttinda
Mikil og víðtæk reynsla við reiðkennslu og skipulagningu hennar
Krafa um góða skipulagshæfni
Krafa um hreint sakavottorð
Þekking og reynsla af því að útbúa námsskrár
Mjög góð samskiptahæfni, jákvæðni og sveigjanleiki
Gott vald á íslensku og ensku í töluðu og rituðu máli
Góð þekking á tölvuforritum, nákvæmni, sjálfstæði og skipulögð vinnubrögð
Góð almenn þekking á samskiptamiðlum
Teymisvitund, frumkvæði og mikill faglegur metnaður
Umsækjandi þarf að vera hvetjandi, frumlegur hvað varðar nýjungar og að geta hugsað út fyrir boxið
Reiðkennarar sem staðsettir/starfandi eru á félagsvæði Sörla og eru félagmenn ganga fyrir við val í starf yfirþjálfara.
Umsóknarfrestur er til og með 20. júní 2021, umsóknir sendist á sorli@sorli.is. Umsókn þarf að fylgja starfsferilskrá og ítarlegt kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Við hvetjum bæði konur og karla til að sækja um. Öllum umsóknum verður svarað að ráðningu lokinni. Laun yfirþjálfara eru verktakalaun þar sem yfirþjálfara er tryggð kennsla að lágmarki 10 nemenda á skipulögðum æfingum félagsins á tímabilinu frá september til loka maí auk bóklegrar kennslu.