Mánudaginn 9. júní næstkomandi fer Hvítasunnuhlaup Hauka og Brooks fram í 13. sinn. Hlaupið er um uppland Hafnarfjarðar, á götum og göngustígum eins og sjá má á kortinu á Google maps.
Hlaupið er ræst kl. 10:00 og eru flestir hlauparar komnir í mark kl. 13:00. Við eigum von á um 300-500 hlaupurum eftir veðri, nú eru tæplega 300 skráðir. Við erum með öfluga brautarvörslu víða á svæðinu.
Til að tryggja öryggi allra sem nota svæðið til útivista væri frábært ef þið gætuð upplýst ykkar félagsmenn um þennan viðburð og beðið hestamenn um að vera ekki á þessu svæði rétt á meðan hlaupið fer fram.
Kort af hlaupinu er á Google maps (3 vegalengdir). Lengsta vegalengdin (22 km) fer meðal annars um vegina kringum Skátaskálann.
Takk fyrir gott samstarf undanfarin ár.
Skokkhópur Hauka