Þrjár Sörlastúlkur í Hæfileikamótun LH

Góðar fréttir 

Nú á haustmánuðum auglýsti Landsamband Hestamanna eftir unglingum á aldrinum 14-17 ára til að taka þátt í hæfileikamótun LH. Hæfileikamótun LH er fyrir unga og metnaðarfulla knapa sem hafa áhuga á bæta sig og hestinn sinn. Í þjálfuninni er lögð áhersla á að bæta og auka skilning á líkamsbeitingu knapa og samspili knapa og hests ásamt því að farið er í hugræna þætti eins og markmiðasetningu, sjálfstraust og hugarfar. Hæfileikamótun er góður undirbúningur fyrir knapa sem hafa að markmiði að komast í U-21árs landslið í hestaíþróttum þegar þeir hafa aldur til. Hópar verða starfræktir um um allt land til þess að ungir knapar víðsvegar um landið fái tækifæri til að taka þátt.

Í ár eru þjár Sörlastúlkur í hópnum, þær eru:

Fanndís Helgadóttir
Júlía Björg Knudsen
Kolbrún Sif Sindradóttir

Við erum svo gríðarlega stolt og ánægð með þessar stúlkur okkar. Þetta einstakt tækifæri fyrir þær til að eflast og styrkjast í sinni frábæru íþrótt sem þær stunda allar af miklu kappi. Það verður spennandi að fylgjast með þessum efnilegu knöpum næstu árin.

Hér má lesa frétt LH í heild sinni.

Áfram Sörli. Áfram krakkar !!!!