Þá er rykið að setjast eftir svakalegan dag á Landsmóti.
Þrír flokkar voru keyrðir í gegn, B-flokkur, Ungmennaflokkur og A-flokkur.
Þetta þýðir að nálægt 300 hestar þreyttu forkeppni í dag, fimm atriði dæmd á hvern hest í öllum þessum flokkum. Dómarar þurftu því að dæma tæplega 1500 atriði í dag og setja einkunn á hvert og eitt.
Það er alvöru djobb maður.
En að efninu, við Sörlamenn áttum flottan dag í heildina þó einhverjir hafi vissulega örugglega viljað meira.
En árangurinn hjá okkar félagi í dag var ljómandi góður.
Byrjum á B-flokki, þar eigum við fjóra fulltrúa sem komust áfram í milliriðil.
Ísak frá Þjórsárbakka og Teitur eru í 6 sætinu með 8,74.
Adrían og Danni í því 8. með 8,72.
Gutti og Snorri Dal fóru í 8,59 í 22. sætið
Þinur og Ástríður eru í því 25. með 8,57.
Í ungmennaflokki er Katla Sif í 6 sæti með 8,58 eftir sterka frammistöðu.
Dagurinn endaði svo á A-flokki gæðinga sem var algjör veisla, en endaði á smá dramatík fyrir okkur Sörlamenn þar sem Stólpi frá Ási datt út úr milliriðli þegar einkunnir í lokahollinu voru birtar og endar því í 31. sætinu.
En við eigum samt ennþá þrjá fulltrúa í milliriðli og það eru:
Goði og Daníel sem eru í þriðja sætinu með 8,81
Glampi og Daníel eru svo í því áttunda með 8,69, mikið stuð á Danna í dag.
Engill og Snorri eru svo í því þrítugasta með 8,53.
Smá Hafnarfjarðartölfræði frá stoltum Sörlverja:
Við eigum fulltrúa í milliriðlum allra flokka gæðingakeppninnar.
Þetta eru 5 flokkar, Börn, Unglingar, Ungmenni, A-flokkur og B-flokkur.
Í milliriðil fara 30 bestu hestar úr hverjum flokki og það gerir 150 hestar sem fara í milliriðil.
Hestamannafélagið Sörli á 15 hesta í milliriðlum sem gerir einfaldlega 10% af öllum hestum sem sýndir verða í milliriðlum Landsmótsins.
Þar fyrir utan erum við með hest númer 31 í tveimur flokkum.
Ég veit ekki með ykkur hin, en mér finnst það vera helvíti flott hjá okkar félagi.
Geggjaðir fyrstu tveir dagar.
Á morgun hefst dagurinn á milliriðli í barnaflokki klukkan 9:00
Maríanna og Dögg er númer 6 í rásröð.
Una Björt og Agla eru númer 18 í rásröð
Kristín Birta og Amor eru númer 28
Unglingaflokkurinn er svo klukkan 12:30
Júlía BJörg og Póstur eru númer 13 í rásröðinni
Fanndís og Ötull númer 17
Sara Dís og Bálkur númer 18
Kolbrún Sif og Kolfinnur númer 28
Seinnipartinn er svo forkeppni í fimmgangi F1 og þar eru Sörlafélagarnir Hanna Rún og Júní númer 15 í rásröðinni.
Frá sjónarhorni okkar sem erum þjálfarar eða keppendur niðri á svæði er alveg ómetanlegt og hrikalega gaman að heyra í Sörlafólkinu í brekkunni því þið látið svo sannarlega í ykkur heyra og það gefur heilmikið.
Sjáumst í brekkunni 🙂