2020-10 Stjórnarfundur Sörla | Hestamannfélagið Sörli

LH þing í Reykjavík – Fundur með þingfulltrúum Sörla

Fyrir liggur að LH þingi hafi verið frestað fram til nóvember loka. Rætt að líklega verði þingið rafrænt í ljósi aðstæðna. Ákveðið að boða þingfulltrúa Sörla til fundar þegar nær dregur.

Skipulag í upplandi Hafnarfjarðar – Reiðveganefnd og stjórn Sörla – innsending tillagna

Formaður fór yfir mikilvægi þess að fara yfir skipulag í upplandi Hafnarfjarðar og að settar verði fram tillögur af hálfu Sörla í tengslum við skipulagið. Ákveðið að ræða við reiðveganefndarmenn í þessu sambandi.

COVID 19 ráðstafanir á næstunni og mögulegar breytingar.

Ákveðið að tilkynna um að starf falli niður í samræmi við tilmæli sóttvarnaryfirvalda, þ.e. til 19. október nk.

Frá framkvæmdastjóra

Vetrardagskrá

Rætt um vetrardagskránna sem liggur að mestu leyti fyrir en vegna ráðstafana vegna Covid, gæti dagskráin riðlast eitthvað til og taka verður mið af því við skipulag vetrarins.

Staða á nefndum

Farið yfir mönnun nefnda og að einhverjar mannabreytingar liggi fyrir.

Heimasíða

Framkvæmdarstjóri upplýsir stjórn um að vinna við gerð nýrrar vefsíðu fyrir félagið sé í fullum gangi.

Viðhald og breytingar á Sörlastöðum

Rætt um líklegan leka frá þaki og nauðsyn þess að fá Sörlastaðanefnd til að skoða málið og laga. Þá var rætt um skrifstofuaðstöðu framkvæmdarstjóra og slæm loftskilyrði. Rætt að heppilegra væri að færa skrifstofuna upp þar sem fundarherbergi er nú. Rætt um möguleika á að hafa fundaraðstöðu á neðri hæðinni að Sörlastöðum.

Útgáfuhóf Hetju, Björk Jakobs

Framkvæmdarstjóra barst erindi frá Björk Jakobsdóttur. Björk óskaði eftir því að fá að halda útgáfuhóf að Sörlastöðum. Björk er að gefa út barnabók um hestastelpu. Erindið var kynnt fyrir stjórn sem tók vel í erindið.

Hringgerði í efra hverfi

Félagið óskaði eftir leyfi frá skipulags- og byggingafulltrúa Hafnarfjarðar fyrir hringgerði fyrir hesta austan við Sörlaskeið 27, var það samþykkt en jafnframt var bent á að samkvæmt núverandi skipulagi eigi að vera bílastæði. Gerðið er komið upp, það eru hesthúseigendur við Sörlaskeið 32 sem fjárfestu í gerðinu og settu upp en allir félagsmenn geta nýtt gerðið. Þau höfðu áður óskað eftir að félagið keypti gerði til frekari uppbyggingar á svæði félagsins, þeirri beiðni var hafnað og benti stjórn á að húsfélagið í Hlíðarþúfum hefur fjármagnað gerðin sem eru staðsett þar, einnig benti stjórn á að ef vilji væri fyrir því að stofna almennt félag húseigenda í nýrra hverfinu sem t.d myndi kosta reiðgerði eða hringgerði myndi stjórn félagsins að sjálfsögðu vera til samvinnu um það.

Önnur mál

Framkvæmdastjóri Hestamannafélagsins Spretts hefur óskað eftir því að fá lánaðan skítadreifarann okkar, það var samþykkt.