1. Staðan á framkvæmdum og lok vetrardagskrár
Framkvæmdarstýra lýsir því að færsla á inngöngum og jarðvegsvinna sé á fullu og ekki liggur fyrir á þessari stundu hvernig staðan verður þegar kemur að gæðingamóti sem er á dagskrá í lok mánaðarins.
Yfirlitsmyndir verða settar upp á Sörlastöðum eins fljótt og auðið er.
2. Minnisblað frá VMM varðandi réttarstöðu sjálfboðaliða
Formaður fer yfir minnisblað Viðars Más Matthíassonar, fyrrv. hæstaréttardómara yfir skaðabótaábyrgðar sjálfboðaliða í tómstundarstarfi.
3. ÍBH þing
Sörli sendir fimm þingfulltrúa á þingið sem er á dagskrá fimmtudaginn 11. maí 2023, kl. 17.
4. Frá framkvæmdastjóra
a. Erindi frá félagsmanni vegna rannsókna á lúpínu í viðrunarhólfi
Samþykkt að veita félagsmanninum Kristínu Auði Keldal Elíasdóttur, aðgengi að viðrunarhólfi til framangreindrar rannsóknar til fjögurra ára, þ.e. til og með árinu 2026. Um er að ræða fremsta viðrunarhólfið fyrir neðan 400 hringinn í Hlíðarþúfum.
b. Efni í keppnisvelli ofl. í tengslum við mót
Rætt um hugmyndir um að setja samskonar efni í hringvöll og beinu brautina. Þar sem nýtt efni var sett í keppnisvellina í fyrra með tilheyrandi kostnaði er það mat stjórnar að huga að þessu að ári.
c. Hvíta gerðið
Framkvæmdarstýra fer yfir að viðgerð á gerðinu sé framundan. Þá er rætt um fyrirhugaðar framkvæmdir á nýju gerði fyrir framan Sörlaskeið 24.
d. Viðrunarhólf
Það þarf að fara að huga að notkun viðrunarhólfa fyrir félagsmenn..
e. Sörlalundur
Ákveðið var að biðja Ferðanefnd um að ríða við í nýja lundinum okkar Sörlalundi í grilltúrnum, til að kynna staðsetninguna fyrir félagsmönnum. Þá var ákveðið að setja upp skilti á svæðinu á næstunni og ræddar hugmyndir að því.
5. Önnur mál
Ákveðið að festa kaup knapamerkingar fyrir úrslitakeppnir.
Ekki fleira gert og fundi slitið kl. 21:45