Uppselt er í ferðina
Sörlverjar á slóðum Eyrbyggja
Komið með hross í Grundarfjörð degi fyrir fyrsta dag í hnakk.
Fyrsti dagur – Umhverfis Kirkjufell, um 12 km.
Lagt í í hann frá næturhólfi. Riðið er reiðleið ofan Grundarfjarðarbæjar og út á svartan sandinn við Kirkjufell. Að sjálfsögðu er tekin sjálfa við Kirkjufellsfoss. Hér þarf að sæta sjávarföllum til að komast á vaði kringum fellið. Komið aftur í næturhólf þar sem dagurinn hófst. Hér ætti einn góður hestur að duga, en sjálfsasgt að teyma einn með ef vill.
Dagur tvö – Frá Grundarfirði um Kolgrafarfjörð – yfir Tröllaháls og um Hraunsfjörð að Bjarnarhöfn, um 26 km.
Riðið er á reiðvegi meðfram þjóðveginum til að byrja með. Síðan er stefnan tekin á og meðfram gömlum akvegi inn í Kolgrafarfjörð, hvar síldarævintýrið hið síðara geysaði fyrir nokkrum árum. Við skiptum um hross við Tröllaháls, sem er allbrattur háls, en stuttur. Komið er af Tröllahálsi ofan í ægifagran Hraunsfjörðinn. Eyðibíli og fagurt Berserkjahraunið blasa við. Stefnan er tekin á Bjarnarhöfn, hvar dagurinn endar.
Dagur þrjú – Umhverfis Bjarnarhafnarfjall yfir Mjósundabrú og inn Hraunsfjörð vestanverðan og aftur í Bjarnarhöfn, um 30 km.
Umhverfis Bjarnarhafnarfjall er reiðleið hinna útvöldu. Hér teymum við, njótum vonandi útsýnis á Akureyjar og aðrar eyjar Breiðafjarðar, förum okkur hægt á kindagötum. Algjörlega úr alfaraleið. Síðan ríðum við yfir gömlu brúnna yfir Mjósund sem er fyrsti brúaði fjörður Íslands og förum aftur inn í hraunsfjörð og hringinn eftir góðum jeppaslóða og aftur heim í Bjarnarhöfn.
(Hér höfum við val um að stytta þennan dag eftir veðri og skapi fararstjórans. Dagurinn er annaðhvort um 30 km eða 17. km. Fararstjórinn ræður.)
Dagur fjögur – Frá Bjarnarhöfn upp að Selvallavatni og ofan við það og aftur heim að Bjarnarhöfn, um 20 km.
Frá Bjarnarhöfn ríðum við sem leið liggur upp að Smáhraunagötu og förum þaðan upp að Selvallavatni, sem er gullfallegt lítið vatn sem lúrir í jaðri Berserkjahrauns. Draumaland jarðfræðingsins. Við ríðum ofan við vatnið og förum svo gamla akveginn um Berserkjahraun til baka áleiðis að Bjarnarhöfn. Á bakaleiðinni förum við hina sögufrægu Berserkjagötu í gegnum úfið hraunið og rifjum upp söguna meðan við fetum einstigið heim að Bjarnarhöfn.
Við erum á söguslóðum Eyrbyggju og ekki úr vegi að renna í gegnum þá fínu skræðu fyrir ferðina.
Fararstjóri ferðarinnar verður Atli Már Ingólfsson - formaður Sörla
Ferðin verður dagana 10. -15.júní. Gisting að þessu sinni verður á Hótel Stundarfrið. Rútuferðir þar sem fólkinu er keyrt fram og til baka.
Gjaldið pr. mann í ferðina er kr. 55.000,-
Allt innifalið í ferðina utan hagagöngu fyrir hrossin - Verð á hagagöngu auglýst síðar.
Fyrirspurnum varðandi ferðina verður svarað á ferdanefnd@sorli.is eða hjá Jóni í síma 690 3339.
Skráning í ferðina á ferdanefnd@sorli.is
Staðfestingagjald 20.000,- greiðist fyrir 1.apríl.
Ferð full greidd 1.júní.
Reikningsupplýsingar:
544 -26 - 004044
kt. 640269-6509
Vinsamlegast sendið kvittun úr heimabanka á ferdanefnd@sorli.is